Gerentes Hate

1. Dicandung;
2. Salaki beger deui;
3. Manggihan SMS mesra tina henpon salaki, narima telepun anu rada genit, ti istri nu teu dikenal;
4. Dibohongan ku nu jadi salaki;
5. Salaki indit ti imah teu bebeja heula ka nu jadi pamajikan;
6. Salaki hoream mun dipenta tulung nganteur ka toserba/mol;
7. Salaki loba nitah, padahal apal pamajikan keur rariweuh ku budak atawa pagawean;
8. Salaki indit-inditan leuwih ti tilu poe (komo mun inditna jeung babaturan kantor salaki nu istri);
9. Salaki horeaman mun dititah nyekel budak;
10. Salaki resep bagadang, ngaronda, komo bari “maen kartu”;
11. Salaki nu teu balaka kana jumlah panghasilan (resep nyimpen “duit jalu”);
12. Mun seug manggihan istri nu rada herang di jalan, salaki sok culang-cileung;
13. Salaki nu sok moyok (terus terang teuing) kana waruga nu jadi pamajikan;
14. Salaki nu sok moyok kana pasakan pamajikan;
15. Salaki nu tara mere komentar, mun pamajikan tas dangdan (berhias diri);
16. Salaki nu sok ngadongengkeun kabogohna basa baheula;
17. Salaki nu sok embung ngombehan budak, ngabajuan/nyalanaan budak mun tas BB atanapi tas ibak;
18. Salaki nu tara daek ngahuapan budak;
19. Mun pamajikan keur geuring, tara diperhatikeun;
20. Mun Pamajikan keur geuring embung ngejo-ngejo acan, komo kukumbah piring jeung nyeuseuh mah;
21. Salaki nu tara ngarti (sok mamaksa) mun pamajikan keur “hoream”;
22. Mun pamajikan keur “hayang” salaki sok pura-pura sare tibra;
23. Salaki nu koret;
24. Salaki nu sok embung ngelehan (egois);
25. Salaki nu sok ngomongna sabedug sakali;
26. Mun dititah balanja sok tara tuwar-tawar, komo mun seug pelayana bahenol.

Tah mun ieu mah cek Kang Eka:

27. Salaki nu sok api lain, teu kaciri usaha ngabeberah lamun pamajikan keur samutut;
28. Salaki nu teu kaciri sono lamun balik ti pagawean;
29. Salaki nu sare bae mun poe minggu;
30. Salaki nu resep sinetron nepi ka budak ceurik ge dicarekan da gandeng;
31. Salaki nu ngajawab: “bosen ah ngajawabna” lamun ditanya ku
    pamajikan: “akang cinta keneh teu ka abdi?”

Tambihan ti Kang Endi:
Nambihan kang:

32. Salaki nu tara mandi, komo mun balik gawe geus peuting;
33. Salaki nu sok dahar peuteuy, tara nyikat huntu;
34. Salaki nu sok barang bere ka tatangga sabeulah (rangda ngora).

Tambihan ti Kang Yosep:

35. Salaki nu sok nganterkeun babaturan kantor, terutama pagawe istri.